Праінфармавалі вучняў
Завяршаецца рэспубліканская акцыя “Бяспеку – у кожны дом!”, якая праходзіць па 28 лютага.
Для прыцягнення ўвагі грамадзян да праблем узнікнення пажараў і гібелі ад іх ратавальнікі выкарыстоўваюць розныя формы работы.
У рамках 4-га этапа акцыі “Бяспеку – у кожны дом” інспектар ІНіП РАНС Дзмітрый ШАЎЧОНАК азнаёміў вучняў Вішоўскай СШ з асноўнымі правіламі пажарнай бяспекі і бяспекі жыццядзейнасці, з якімі яны могуць сутыкнуцца на вучобе ці ў побыце. Прывёў у прыклад дадзеныя аператыўнага пажарнага становішча ў раёне, распавёў аб надзвычайных сітуацыях і трагедыях, якія адбыліся ў выніку неасцярожнага абыходжання з агнём або нядбайнага стаўлення да правіл пажарнай бяспекі.
Падчас правядзення мерапрыемства ўсе жадаючыя маглі паўдзельнічаць у розных тэматычных віктарынах і конкурсах на пажарную тэматыку. З асаблівай цікавасцю рабяты адказвалі на пытанні віктарыны “Дзе логіка?”. Удзельнікам трэба было звязаць зашыфраваныя на слайдах словы з правіламі бяспечных паводзін. Школьнікі падзяліліся на каманды і адказвалі на пытанні, а пасля кожнага правільнага адказу ратавальнікі падрабязна раскрывалі адпаведную тэму. У выніку, перамогу святкавала дружба. Удзельнікі не толькі замацавалі свае веды, але і шмат чаму навучыліся.
Аліна ЦЫГАНІЙ.
Фота аўтара.