Каб не стаць удзельнікамі ДТЗ варта памятаць наступныя правілы:

Катэгарычна забараняецца гуляць паблізу праезнай часткі, катацца на веласіпедах і самакатах па дарозе, пераходзіць праезную частку за межамі пешаходных пераходаў, выбягаць на дарогу з-за дамоў, платоў, дрэў, аўтамашын ці аўтобусаў.

Хадзіце толькі па тратуарах, а дзе іх няма – па левым краі (абочыне) дарогі насустрач руху транспарту, каб бачыць яго і своечасова адысці ў бок.

Нават калі загараецца зялёны колер светлафора, пераканайцеся, што ўсе машыны паспелі спыніцца, і ваш шлях бяспечны.

Пры руху па дарозе ў цёмны час сутак апранайце святлоадбівальныя элементы, якія дазволяць вадзіцелям своечасова заўважыць вас.

Аддзяленне па агітацыі і прапагандзе
ДАІ УУС Магілёўскага аблвыканкама.