Галоўная каштоўнасць – бяспека дзяцей
Па 1 кастрычнiка бягучага года на тэрыторыі Беларусі праходзіць рэспубліканская міжведамасная акцыя «Клопат».
У перыяд летніх канікул для дзяцей і падлеткаў у школах раёна плануецца дзейнасць дзённых аздараўленчых лагераў, дзіцячых спартыўных пляцовак і праца аб’яднанняў па інтарэсах.
У рамках правядзення міжведамаснай акцыі «Клопат» органамі мясцовай улады, іншымі зацікаўленымі ведамствамі запланаваны мерапрыемствы па ўключэнню «цяжкіх» падлеткаў у працу будаўнічых маладзёжных атрадаў, рамонтных брыгад, валанцёрскіх атрадаў.
Паводле ч 1 арт. 10.3 КаАП Беларусі невыкананне бацькамі абавязкаў па выхаванні дзяцей цягне накладанне штрафу да 10 бв. Тое ж дзеянне, учыненае паўторна на працягу года, цягне накладанне штрафу ад 2 да 5 бв.
Нагадваем жыхарам горада і раёна аб выкананні правіл паводзін на вадаёмах. Не дапускаецца знаходжанне непаўналетніх ва ўзросце да 14 гадоў паблізу вадаёмаў без суправаджэння бацькоў. Таксама ІСН РАУС звяртае асаблівую ўвагу на прыняцце належных мер па захаванасці асабістай маёмасці і каштоўных рэчаў, якія знаходзяцца ў карыстанні ў непаўналетніх дзяцей. Не пакідайце на вуліцы, у пад’ездах дамоў без нагляду веласіпеды, выкарыстоўвайце замкі для іх. Звяртайце ўвагу сваіх дзяцей на захаванасць мабільных тэлефонаў, якімі яны карыстаюцца.
Святлана ПАТАПЕНКА,
спецыяліст ІСН РАУС.