Выхаваць дзіця – справа няпростая, а вырасціць з яго акцёра – ужо задача з зорачкай. Ларыса ФЯСЬКОВА, кіраўнік тэатральнай студыі «ЛиКи» МЦ «Ветразь», упэўнена – яе абавязак не толькі вывесці вучня на сцэну, але і дапамагчы яму раскрыцца з усіх бакоў.

Педагогам дадатковай адукацыі Ларыса Міхайлаўна прыйшла ў мнагапрофільны цэнтр у 2008 годзе. Менавіта з гэтага часу пачаўся адлік гісторыі тэатральнай студыі «ЛиКи». Аднак тэатр у жыцці яе кіраўніка прысутнічаў з самага дзяцінства. Мама Ларысы Міхайлаўны была актрысай у народным тэатры юнага гледача. Маленькая Ларыса часта  прысутнічала на рэпетыцыях, якія так уразілі яе, што выбар прафесіі стаў відавочным. Ідучы за марай, юная Ларыса скончыла Мінскі інстытут культуры па спецыяльнасці «Кіраўнік самадзейнага тэатральнага калектыву». Больш за дзесяць гадоў шчыравала ў раённым цэнтры культуры, але гэта была праца з дарослымі, маленькія вучні прыйшлі пазней, цалкам змяніўшы яе жыццё. Пачынаць займацца з дзецьмі было складана, прызнаецца Ларыса Міхайлаўна. Хоць яна і была ўпэўнена ў сваіх ведах і наяўным  вопыце, разумела – яшчэ трэба «вырасці», каб настаўляць юных вучняў.

– З дарослым чалавекам дамовіц ца лягчэй, а дзіця трэба зразумець, знайсці падыход, – падзя лілася назіраннямі педагог. 

Падрабязны матэрыял чытайце ў раённай газеты ад 11 студзеня 2023 года.