Темы

Спартландыя сярод актывістаў прафсаюзных пярвічак прайшла на базе ФАКу “Друць”

 

Спартландыя сярод актывістаў прафсаюзных пярвічак, прысвечаная Міжнароднаму дню жанчын – 8 Сакавіка, прайшла на базе ФАКу “Друць” напярэдадні самага жаноцкага і пяшчотнага свята.

Арганізатарамі гэтых спаборніцтваў выступілі раённае аб’яднанне прафсаюзаў, якія ўваходзяць у ФПБ і РА прафсаюза работнікаў дзяржаўных і іншых устаноў.

У спартландыі ўдзельнічалі тры каманды: райвыканкама, РЦСАН і дома-інтэрната для састарэлых і інвалідаў. Адным з самых галоўных крытэрыяў сярод спартсменаў была не толькі добрая фізічная падрыхтоўка, але таксама і прафсаюзная актыўнасць, сяброўства і падтрымка калег.

Удзельнікі каманд спаборнічалі ў гульнёвых эстафетах, дэманстравалі свае лепшыя якасці: лоўкасць, хуткасць, кемлівасць і знаходлівасць. А яшчэ ўсе яны паказалі сапраўдны спартыўны азарт і падарылі сваім заўзятарам шмат пазітыўных перажыванняў. 

У выніку, ва ўпартай барацьбе за пераходны кубак спаборніцтваў перамогу атрымала дружына РЦСАН. Старшыня РК прафсаюза работнікаў дзяржаўных і іншых устаноў Лідзія ЦАПІКАВА ўручыла ім кубак, Дыплом і салодкі падарунак. А загадчык сектара спорту і турызму райвыканкама Васіль КРАЎЦОЎ падарыў жанчынам гэтай каманды кветкі ў гонар надыходзячага свята. Другое і трэцяе месцы занялі адпаведна зборныя райвыканкама і ДІСІ.

З віншаваннямі да ўсіх жанчын і асабліва ўдзельніц спартакіяды звярнулася намеснік старшыні райвыканкама Ірына ФУРСАВА. Ад РА ГА “Беларускі саюз жанчын” яна ўручыла каштоўны падарунак начальніку арганізацыйна-кадравай работы райвыканкама Алене ЯРМОЛЕНКА за актыўны ўдзел у спаборніцтвах, пазітыўны настрой і ў сувязі з надыходзячым святам. Цёплыя словы выказала на адрас спартсменаў старшыня раённага аб’яднання прафсаюзаў, якія ўваходзяць у ФПБ, Святлана ПАТАПЧЫК. Яна таксама ўручыла спецыяльны Дыплом і падарунак                   удзельніцы каманды РЦСАН Вераніцы ШПАКОЎСКАЙ за актыўнасць і волю да перамогі. Яшчэ адна актыўная ўдзельніца з каманды дома-інтэрната для састарэлых і інвалідаў Надзея БЫЧКОВА была адзначана каштоўным падарункам – гадзіннікам з сімволікай – ад РА РГА “Белая русь”.

Святлана МАГІЛЕЎЧЫК.

Фота аўтара.  

Последние новости

Культура

В Белыничском художественном музее прозвучали шедевры мировой оперетты

15 ноября 2026
Читать новость
Новости района

Фотофакт. В Белыничах прошел районный праздник «Дожинки -2026» и отпраздновали День работников сельского хозяйства и перерабатывающей промышленности АПК

14 ноября 2026
Читать новость
Новости района

В Белыничском районе продолжается Неделя кибер безопасности

14 ноября 2026
Читать новость
Новости района

В Техтинском СДК чествовали тружеников села ОАО «Новая Друть»

13 ноября 2026
Читать новость
Новости района

В Белыничском СПК «Колхоз «Родина» чествовали тружеников села

13 ноября 2026
Читать новость
Прямые линии и приемы граждан

Прямая телефонная линия с начальником Могилевского областного управления департамента охраны МВД Александром Дубинчиком

13 ноября 2026
Читать новость

Рекомендуем