На пасяджэнні калегіі Камітэта дзяржкантролю Магілёўскай вобласці разгледжаны вынікі кантролю за працай транспартнага комплексу вобласці, эфектыўнае функцыянаванне якога належным чынам не забяспечваецца.

Калегіяй адзначана, што асноўнымі праблемнымі пытаннямі ў гэтай сферы з’яўляюцца: недастатковае фінансаванне абнаўлення аўтамабільнага парку, гарадскога электрычнага транспарту, будаўніцтва новых і мадэрнізацыя  тралейбусных ліній, нізкі ўзровень акупнасці пасажырскіх перавозак (у 2017-2019 гг. на гарадскіх перавозках яна не перавысіла 68%, прыгарадных – 50%).

У дзейнасці транспартных арганізацый выяўлены шэраг негатыўных тэндэнцый: зніжэнне выручкі ад рэалізацыі транспартных паслуг, рост выдаткаў, вялікая колькасць нерэнтабельных і нізкарэнтабельных арганізацый, неналежны стан разлікаў, недастатковыя тэмпы абнаўлення асноўных фондаў, зніжэнне колькасці работнікаў, нізкі ўзровень іх заработнай платы.

Па выніках калегіі дзяржаўным органам унесена шэраг прапаноў па паляпшэнні становішча спраў у транспартным комплексе вобласці. Іх рэалізацыя ўзята на кантроль.

   Юрый ФРАЛОЎ,

   першы намеснік старшыні Камітэта

   дзяржкантролю Магілёўскай вобласці.