Темы

Магазін для ўсёй сям’і

Схадзіць у адзін магазін, каб набыць адзенне і абутак для ўсёй сям’і, – мара, здаецца, кожнага, у каго не хапае вольнага часу для шопінгу. У нашым горадзе гэта стала магчыма. Нядаўна адкрыўся новы гандлёвы аб’ект, які так і называецца – “Усё для ўсёй сям’і”.

– Плануючы адкрыць магазін, хацелася, каб ён быў максімальна карысным для пакупнікоў, – расказала яго ўладальніца, індывідуальны прадпрымальнік Мафтуна ШЭРНАЗАРАВА.

З дзяцінства яна марыла пачаць свой бізнес, як некалі гэта зрабілі яе мама, а потым старэйшая сястра. І вось яе планы таксама ўвасобіліся ў жыццё.

У новым магазіне можна набыць адзенне і абутак для жанчын, мужчын і дзяцей. Да таго ж, акрамя штаноў, джынсаў, кашуль, кофт і сукенак, там можна выбраць і верхнюю вопратку.

З апошняй, паводле слоў Мафтуны Мірзоеўны, з’явілася спецадзенне.

– Пакуль закуплены касцюмы і халаты для медперсаналу, бо за два крокі ад магазіна знаходзіцца медустанова, але ў далейшым рабочую форму ў нашым магазіне змогуць набыць і прадстаўнікі іншых прафесій, – дадала яна. – Дарэчы, усё спецадзенне беларускай вытворчасці. І варта адзначыць, што гэтыя тавары карыстаюцца попытам, таму ў далейшым асартымент іх будзе пашырацца.

Акрамя адзення і абутку, у гандлёвай кропцы прадаецца шмат карысных рэчаў для дома.

– Нягледзячы на тое, што адкрыліся мы месяц таму, пакупнікі актыўна наведваюць наш магазін. Прыемна глядзець, калі яны выходзяць задаволеныя і з нашымі абноўкамі, – падкрэсліла прадпрымальніца. – Заўсёды дапаможам выбраць патрэбную рэч, падкажам і растлумачым.

Марыя ШУТ.

Фота аўтара.

Последние новости

РОВД информирует

Разъясняет участковый инспектор милиции Белыничского РОВД

17 ноября 2026
Читать новость
Общество

В Беларуси отмечается День участкового инспектора милиции: службе – 102 года

17 ноября 2026
Читать новость
Общество

В Беларуси стартует набор на заочное обучение в аграрных вузах

17 ноября 2026
Читать новость
Новости района

В Белыничском районе подвели итоги Жатвы — 2026

17 ноября 2026
Читать новость
Общество

В Беларуси с 16 ноября изменились правила техосмотра. Что нужно знать?

17 ноября 2026
Читать новость
Общество

ГАИ ужесточит контроль за коммерческими перевозками с 16 по 27 ноября

17 ноября 2026
Читать новость