У сакавіку бягучага года на пасяджэнні калегіі Камітэта дзяржкантролю Магілёўскай вобласці разгледжаны вынікі аўдыту эфектыўнасці якасці аказання асобных жыллёва—камунальных паслуг у г. Магілёве.

Устаноўлена, што жыллёвы фонд горада эксплуатуецца і абслугоўваецца не належным чынам. У ходзе кантролю выяўлена больш за 3 тысячы парушэнняў пры эксплуатацыі дзевяццю арганізацыямі ЖКГ (КУП “ЖРЭУ Ленінскага раёна г. Магілёва”, КУП “ЖРЭУ Кастрычніцкага раёна г. Магілёва”, ТАА “ЖылЭкспА”, ТДА “Камунальнік МК”, ТДА “Камунальнік-строй”, ТДА “Жылкантакт”, ТАА “Вендора-тэрма”, ЧЖЭУП “ВестаБіс”, ТАА “Жылкамгруп”) 55-ці шматкватэрных жылых дамоў.

Сярод тыповых недахопаў: неналежнае ўтрыманне фасадаў, уваходных груп, запорна-перагаворных прылад, адмостак, дапаможных памяшканняў і ўнутраных канструкцыйных элементаў жылых дамоў, прыдамавых тэрыторый, уключаючых дзіцячыя гульнявыя, спартыўныя і кантэйнерныя пляцоўкі.

Асноўнымі прычынамі такога стану спраў з’явіліся няякаснае аказанне ЖКП жыллёва-эксплуатацыйнымі арганізацыямі, прыніжаны кантроль з боку органаў улады і кантрольных (наглядных) служб за выкананнем парадку эксплуатацыі жылых дамоў і ўтрымання прыдамавых тэрыторый, недасканаласць існуючай сістэмы фінансавання работ па падтрыманні жылых дамоў у належным санітарна-тэхнічным стане, няякаснае выкананне будаўніча-мантажных работ пры ўзвядзенні новых жылых дамоў, недастатковы ўзровень культуры насельніцтва ў пытаннях эксплуатацыі жылых дамоў, эфектыўнага выкарыстання прыдамавых тэрыторый і захавання санітарнага парадку на іх.

Юрый ФРАЛОЎ,

першы намеснік старшыні Камітэта

дзяржкантролю Магілёўскай вобласці.