Темы

Дрэва як сімвал гісторыі сям’і

Жыхары Бялыніччыны далучыліся да рэспубліканскага экалагічнага праекта “Парк сямейных дрэў”, які стартаваў у нашай вобласці напрыканцы сакавіка. У рамках яго ў Месяцавым парку райцэнтра на мінулым тыдні закладзена Алея сямейных дрэў.

Саджанцы, прадастаўленыя ДЛГУ “Бялыніцкі лясгас”, рыдлёўкі і шыльды з прозвішчамі сем’яў былі прыгатаваны загадзя і чакалі бялынічан. Ганаровая місія – пасадзіць першыя дрэўцы, стаць “адкрывальнікам” новай алеі – выпала адразу дзесяці сем’ям. Моцным, дастойным, на якіх можна раўняцца.

– Сённяшняе мерапрыемства праводзіцца ў рамках Года малой радзімы, – распавёў начальнік райінспекцыі ПРіАНА Юрый СІМАНАЎ. – Думаю, што кожнаму з вас будзе прыемна ўпрыгожыць парк роднага горада сямейным дрэўцам. Сёння на алеі з’явяцца першыя дзесяць, але ў хуткім часе іх абавязкова стане больш.

Ён звярнуўся да прысутных з просьбай распавядаць аб праекце сваім сябрам, знаёмым, што ў іх таксама ёсць магчымасць адзначыць сябе і свой род, бо ў парку знойдуцца месцы для дрэўца кожнай жадаючай сям’і.

Дружна, весела высадзілі маладыя сем’і саджанцы, устанавілі каля іх інфармацыйныя шыльды, абяцалі даглядаць за сваімі сімваламі сямейнай гісторыі, перадаваць клопат пра іх нашчадкам.

– У праекта цудоўная задумка, – адзначылі Аляксандр і Лілія СВІРЭЙКІ, якія паўдзельнічалі ў адкрыцці алеі. – Дрэва стала своеасаблівым сімвалам гісторыі нашай сям’і. Цяпер будзе нагода часцей наведваць гэты парк усёй сям’ёй – разам з сыночкам Арсеніем і дачушкай Алісай, бо сямейнаму дрэву патрэбен належны догляд. Нягледзячы на тое, што жывём не так блізка, з задавальненнем будзем наведвацца сюды.

Падтрымалі сказанае і астатнія дзевяць сем’яў – Ільі і Таццяны ЦІКУНОВЫХ, Ірыны і Івана БЕЛЯЎЦЭВЫХ, Юрыя і Вікторыі ПАЧАЧУЕВЫХ, Сяргея і Алены ЖАРНОЎСКІХ, Дзмітрыя і Марыны ШАБУСАВЫХ, Вадзіма і Ірыны КАЗІМІРСКІХ, Валерыя і Юліі ЦВЫР, Віктара і Лізаветы СВІРЭЙКАЎ, Андрэя і Веранікі ЛАПО, дрэвы якіх у хуткім часе пусцяць глыбокія карані на роднай зямлі. А само дэкаратыўнае дрэва будзе расці з кожным годам усё вышэй і вышэй, распавядаючы аб любві і міры сям’і, якая калісьці дала яму жыццё.

Марыя ШУТ.

Фота аўтара.

Последние новости

Президент

Что изменится в Беларуси в декабре-2026

18 ноября 2026
Читать новость
Общество

Банкнота порвалась, монета сломалась: что делать с такими деньгами

18 ноября 2026
Читать новость
Новости района

В Белыничах прошла профсоюзная спартакиада

18 ноября 2026
Читать новость
Общество

Кого и как могут наказать за порчу оборудования на рабочем месте

18 ноября 2026
Читать новость
Общество

Опасный психотроп в бутылках из-под воды. Схему перемещения партии жидкости с норэфедрином выявили брестские таможенники

18 ноября 2026
Читать новость
Новости района

Как в Белыничах решают жилищный вопрос молодых специалистов

18 ноября 2026
Читать новость

Рекомендуем