Темы

Вайна дзіцячымі вачыма

Акурат за 75 дзён да Дня вызвалення Беларусі ад нямецка—фашысцкіх захопнікаў у кінатэатры “Зорка” адбыўся літаратурна—гістарычны экскурс “75 кадраў вайны”, які падрыхтавалі работнікі і выхаванцы МЦ “Ветразь”.

Напярэдадні такой значнай даты для ўсёй нашай краіны маладое пакаленне паказала, якой яно ўяўляе тую страшэнную вайну, што перажылі нашы дзеды і прадзеды. Кранаючымі выступленнямі даказала, што ведае гісторыю сваёй краіны, шануе тое, што было створана продкамі для нашага паспяховага жыцця пад мірным небам над галавой.

З пачуццём страху, які адчувалі людзі таго часу, перажываннямі за іх цяжкі лёс дзеці расказвалі вершы, ставілі інсцэніроўкі, спявалі песні… Іх эмоцыі не пакінулі абыякавым ніводнага гледача ў зале. Падчас выступленняў панавала цішыня, бо размовам пра паўсядзённае жыццё там не было месца.

Асаблівая ўвага надавалася дзецям вайны.

– Дзеці – гэта пачатак новага жыцця, надзея на шчасце і радасць, гэта мірнае сонечнае неба, тата і маці, якія заўсёды побач, прыгожыя цацкі, гульні і святы… А вайна – смерць, разруха, знішчэнне ўсяго жывога і нежывога на зямлі. Таму словы гэтыя несумяшчальныя і ніколі не павінны стаяць побач адно з адным, – падкрэсліла вядучая мерапрыемства.

“Две строчки” Аляксандра Твардоўскага, “Вы смотрели в глаза тех детей…” Кацярыны Кірылавай, “Мальчик из села Поповки” Самуіла Маршака, “Маці” Аркадзя Куляшова і іншыя вядомыя вершы, радкі якіх прасякнутыя жалем і спачуваннем, прачыталі юныя дэкламатары.

У рамках рэспубліканскай акцыі “Беларусь помніць. Жаночы твар Перамогі”, арганізаванай па ініцыятыве Беларускага Саюза жанчын, увазе гледачоў быў прадстаўлены відэафільм аб нашых жанчынах-зямлячках і іх нялёгкіх лёсах.

– Старанні і цікавасць нашых выхаванцаў да тэмы вайны дазволілі дабіцца таго эфекту, які мы і хацелі выклікаць у гледачоў, – адзначыла дырэктар МЦ “Ветразь” Іна ВІННІКАВА. – Лічу, што мерапрыемства атрымалася сапраўды незвычайным. Гэта пацвердзілі і водгукі гледачоў. Яно дало магчымасць акунуцца ў той час, у думках выпрабаваць усе нягоды, якія перажылі дзеці вайны, жанчыны, а таксама прадстаўнікі моцнай паловы чалавецтва.

Марыя ШУТ.

Фота аўтара.

 

 

Последние новости

Новости района

В Белыниском районе пройдет профилактическая акция «Безопасная цифровая среда»

16 ноября 2026
Читать новость
Год белорусской женщины

Трудовой путь жительниц Белыничского района

16 ноября 2026
Читать новость
Президент

«Научились делать чудо». Лукашенко на Оршанском льнокомбинате запустил новую линию

16 ноября 2026
Читать новость
Общество

Вторая жизнь для старых вещей: «Пуговица» расширяет географию

16 ноября 2026
Читать новость
Общество

Последний день уплаты единого имущественного платежа

16 ноября 2026
Читать новость
Новости района

Житель Белыничского района удостоен Государственной награды

16 ноября 2026
Читать новость